«Мансап компасы» платформасы әзірленді

«Келешек мектептері» жобасы аясында бой көтерген білім беру ұйымдарында кәсіптік бағдар берудің жаңа әдісі қолданылады.

Мамандар «Мансап компасы» атты платформа әзірледі. Цифрлық жүйеден еңбек нарығына ең қажетті мамандықтар тізімін көруге болады. Соның ішінде жұмысшы мамандықтарға басымдық беріліп отыр. Платформа қазір пилоттық режимде жұмыс істеп тұр. Ал жаңа оқу жылында толық іске қосылады. Мектептерде алғаш рет кәсіби бағдар беруші педагог лауазымы ресми түрде бекітілді.

Анар Тәңірбергенова, Ы. Алтынсарин атындағы ұлттық білім академиясының вице-президенті:

- Сол баланың берген жауаптарына сәйкес, қандай мамандыққа бейімі бар екені айқындалады. Содан ол мамандық туралы сол жерде шағын ақпарат ала алады платформада. Ол мамандық қайда, қай жерде бар, оны аяқтағаннан кейін қайда барып жұмыс жасай алады және сол мамандықты оқу үшін қай оқу орнына бару керек? Толыққанды сол жерде барлық ақпаратты жүйелеп ала алады.