Тау-кен металлургия саласын бақылаудың жаңа құралы енгізілді

Тау-кен металургия саласын мониторинг жасаудың жаңа құралы кеңінен қолданысқа енгізіліп жатыр. Ол бақылау картасы деп аталады.

Ол үшін алдымен стратегиялық маңызы бар кәсіпорындардың тізбесі жасалған. Оның құрамына персоналы 500 адамнан асатын қара және түсті металлургияның 24 компаниясы, сондай-ақ 250-ден астам адам жұмыс істейтін металл кендерін өндіретін 26 кәсіпорын кірді. Осылайша аталмыш салада алғаш рет – өндірістердің техникалық жай-күйін ғана емес, оларды жаңғырту деңгейін, қуаттарды кеңейту жөніндегі жоспарларды, сондай-ақ өнеркәсіптік және өрт қауіпсіздігі, еңбекті қорғау және экология саласындағы талаптардың сақталуын қадағалайтын мамандандырылған талдамалық құралдар енгізіліп отыр. Бұл бақылау карталары мемлекеттік органдарға жіберілді, ал олар бойынша жиналған деректер тау-кен металлургиясының негізгі кәсіпорындарын оңтайландыру және қолдау бойынша шешімдер қабылдау үшін пайдаланылып жатыр.