Қазақстан мен Қытай 58 құжатқа қол қойды

Жамбыл облысында жүгеріні терең өңдеу бойынша ірі жоба іске асады. Бұл туралы «Орталық Азия – Қытай» екінші өнеркәсіптік және инвестициялық форумында айтылды.

Нәтижесінде 1500 жұмыс орны ашылып, өңір фермерлеріне тұрақты өткізу нарығы қамтамасыз етіледі. Қазірдің өзінде 300 мың тонна жүгері жеткізуге офтейк-келісімшарттар бар. Форум аясында бірқатар коммерциялық келісімдер жасалды. Мәселен Қазақстан мен Қытай құны 24 млрд доллардан асатын 58 құжатқа қол қойды. Олар әртүрлі бағыттарды қамтиды. Тағы бір Қытай компаниясы Түркістан облысында құны 420 млн доллар мақта кластерін құру жобасын жасайды. Бұл бастама мақтаны өсіруден бастап дайын тоқыма өнімін шығаруға дейінгі өндірісті қамтиды. Ал Ақмола облысында астықты толық өңдеу кешенін салуға инвестиция құйылады. Өндіріс глютен, крахмал және басқа да өнімдерді шығаруға бағытталады. Мамандардың айтуынша, бұл келісімдер еліміздің инвестиция, логистика және бірлескен өнеркәсіптік даму салаларындағы өңірлік хаб ретіндегі рөлін күшейтеді.