Жел, жауын-шашын: алдағы күндері ауа райы қандай болады?

Қазгидромет 24, 25, 26 маусымға арналған ауа райы болжамын жариялады, — деп хабарлайды Massaget.kz тілшісі.

Қазақстан аумағы арқылы циклондар мен атмосфералық фронттар өтіп жатыр, соның әсерінен елде ауа райы тұрақсыз болады. Алдағы күндері елімізге тағы бір атмосфералық фронттар әсер етіп, жауын-шашын жауып, жел соғып, найзағай ойнайды.

"Ел аумағының басым бөлігінде нөсер жауын жауады, тіпті бұршақ та жаууы мүмкін. Ауа температурасы біртіндеп төмендеп, аптап ыстықтың беті қайтады: елдің көп бөлігінде +20…+28°C-қа дейін, ал солтүстік өңірлерде +15…+23°C, оңтүстікте +25…+33°C болады", — деп жазылған хабарламада.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!