Инвесторлар құқығын қорғайтын «прокурорлық сүзгі» механизмі енгізілді

Елде инвесторлар құқығын қорғауға арналған арнайы «прокурорлық сүзгі» механизмі енгізілді. Яғни биылдан бастап мемлекеттік органдар Бас прокуратураның алдын ала келісімінсіз инвесторларға қатысты тексеріс жүргізіп, әкімшілік іс қозғай алмайды. Талап арыз беруге немесе қандай да бір шектеуге да тыйым салынған. Бұл туралы Қасым-Жомарт Тоқаев мәлімдеді .

Мемлекет басшысы инвесторлармен ықпалдастықтың перспективалы бағыттарын, атап айтқанда, Қазақстанның индустриялық әлеуетін дамыту мәселесін тоқталды. «Қазақстан тау-кен өнеркәсібі мен металлургияның жаһандық маңызын түсіне отырып, инвесторларға ашық, жан-жақты заңнама арқылы тұрақты әрі қолайлы юрисдикция қалыптастырды», – деді Президент. Еліміздің бай минералды-шикізаттық базасы, жер қойнауын пайдаланудағы заманауи заңнамасы мен ашық салық жүйесі жаһандық тізбектегі маңызды минералдарды жеткізу бойынша стратегиялық орнымызды қамтамасыз ететініне сенім білдірді.