Сенат МӘМС-ке қатысты заңды мақұлдады

Сенат Мәжіліс қабылдаған «Қазақстан Республикасының кейбір заңнамалық актілеріне міндетті әлеуметтік медициналық сақтандыру және медициналық қызметтер көрсету мәселелері бойынша өзгерістер мен толықтырулар енгізу туралы» заңды екі оқылымда қарастырып, қабылдады.

«Бүгінде 3 миллионнан астам адам МӘМС жүйесіне тыс қалып отыр. Олардың ішінде шамамен 1 миллионы ресми тіркелген жұмыссыздар мен әлеуметтік осал топқа жатады. Заң жобасымен осындай азаматтар медициналық көмекке жүгінген жағдайда, олардың жарнасын жергілікті атқарушы органдар төлеуге қатысты міндетті жүктеу ұсынылып отыр. Жарна мөлшері өңірдегі орташа жалақыға байланысты есептелмек. Болжамға сәйкес, 2026 жылы ғана МӘМС жүйесіне қосымша 1 миллионнан астам адам тартылады, осылайша халықтың шамамен 5%-ын жоспарлы медициналық көмекке қол жеткізеді», – деді сенатор Айнұр Арғынбекова.

«Міндетті әлеуметтік медициналық сақтандыру туралы» Заңда:

• МӘМС қағидаттарын кеңейту (жарналарды өз бетінше төлеудің басымдығы, қаржыландыруға теңгерімді қатысу және денсаулық сақтау субъектілерінен қаражаттың қайтарымдылығы);
• 2026 жылдың қаңтарынан бастап МӘМС жарналары мен аударымдарын есептеу үшін қабылданатын ай сайынғы кірістің жоғарғы шегі артады (жұмыс берушілер үшін – 40 ЕТЖ және жұмыскерлер үшін – 20 ЕТЖ);
• мемлекет жарналарының мөлшерлемелерін кезең-кезеңімен өзгерту (2037 жылға қарай 4,7%-ға дейін кезең-кезеңімен арттыру);
• денсаулық сақтау субъектілерінің медициналық көрсетілетін қызметтерді тұтынушылардың сұрау салуы бойынша мәліметтермен қамтамасыз ету жөніндегі міндеттері және МӘМС жүйесіндегі қаржы қаражатының қозғалысы туралы мәліметтерді міндетті түрде жариялау;
• жарналарды төлеудің уақытша үзілістері кезінде сақтанушының мәртебесін қорғау көзделген.

«Неке және отбасы туралы» Кодекс қорғаншылық және қамқоршылық органдарын жетім балалар мен ата-анасының қамқорлығынсыз қалған балаларды анықталған жері бойынша медициналық ұйымдарға үш тәулікке дейінгі мерзімге уақытша орналастыруға міндеттейтін ережемен толықтырылды.