Азия чемпионатындағы Өзбекстан мен Қазақстан айқасында екі нокдаун болды

Қазақстандық Жанель Имантаева Бангкокте 19 және 22 жасқа дейінгі боксшылар арасында өтіп жатқан Азия чемпионатындағы бірінші айқасында жеңіске жетті, — деп хабарлайды Massaget.kz тілшісі.

54 келі салмақ дәрежесіндегі Жанель Имантаеваның қарсыласы өзбекстандық Муслима Тургунова болды.

Бірінші раундта төрешілер Муслима Тургуноваға басымдық берді: 4:1. Екінші раундта Имантаева да, Тургунова да бір-бірден нокдаунға түсті. Бұл кезде басымдық бөлек шешіммен Имантаеваға берілді: 3:2.

Жекпе-жек соңында төрешілер басымдықты қазақстандық боксшыға берді. Екі боксшы да 19 жасқа дейінгі санатта өнер көрсетіп жатыр.

Аптаның басты оқиғалары мен пайдалы видеоларды көру үшін YouTube арнамызға жазылыңыз