Көпқабатты үйдің қабырғасына Абай бейнесі салынды

Текелі қаласында көпқабатты үйдің қабырғасына Абай Құнанбайұлының бейнесі салынды.

Кенді шаһардың ортасындағы мурал ақынның 180 жылдығына арналды. Ашылу салтанатына жиналған көпшілікке жасанды интелект арқылы әзірленген бейнеролик көрсетілді. Онда ұлы ойшылдың өзі қара сөздерін оқып бергендей әсер қалдырды. Шара Абай әндері шырқалған концертке ұласты.

Шамиль Дүйсенғазыұлы. «Жетісу жастары» КММ директоры:

- Қазіргі таңда Жетісу облысында Абай атамыздың 180 жылдығына орай онкүндіктің аясында көптеген шаралар өткізіліп жатыр. Оның ішінде осы муралдың ашылуы, поэзиялық кештер өтіп жатыр. Оның барлығы Жетісу жастарының өздерінің еркімен өткізіп жатқан іс шаралар.