1 грамм алтын – 57 888 теңге

Алтынның 1 граммы 57 888 теңгеге жетті. Мұны Ұлттық банкі хабарлады. Дүниежүзілік алтын кеңесінің дерегіне сәйкес, Қазақстанның алтын қоры 7,4 тоннаға артқан . Осылайша, елдің жалпы алтын қоры 298 тоннадан асты. Айта кетейік, Қазақстан алтын қоры бойынша әлемде 18-орында тұр. Экономист мамандардың айтуынша, бұл – дағдарыс кезінде ұлттық валютаның тұрақтылығын сақтауға мүмкіндік береді.

Перизат Бауыржанқызы, қаржыгер:

1 жыл ішінде алтын бағамының 60%-ға көтерілуі, әрине елді-халықты алаңдатып отыр. Өйткені бұл ең бірінші қымбаттаушылықтың белгісі деп отыр. Негізі артықшылық-кемшілігіне тоқталсақ, елдің қаржылық тұрақтылығы көбейеді. Қазақстан алтын экспортынан көбірек пайда табады. Ұлттық банктің алтын қоры қымбаттап, теңгені қорғауға мүмкіндік алады.

Ақниет Балтанова