Мемлекет басшысы ҚХР Төрағасымен келіссөз жүргізді

Кездесу барысында Президент Қасым-Жомарт Тоқаев тарихи Тяньцзинь шаһарында қонақжайлық танытқаны үшін Төраға Си Цзиньпинге алғыс айтты.

Мемлекет басшысы Шанхай ынтымақтастық ұйымының саммитіне қатысуға шақыруды зор ықыласпен қабыл алғанын жеткізді. Сонымен қатар, Қазақстан Президенті ҚХР Төрағасы Си Цзиньпиннің тікелей қолдауымен қазақ-қытай қатынасы бұрын-соңды болмаған қарқынмен дамып жатқанын зор ризашылықпен атап өтті. Бұл байланыс мәңгілік әрі жан-жақты стратегиялық серіктестік рухында нығаюда. Мәселен, былтыр екі ел арасындағы тауар айналымы 44 миллиард долларға жетті. Бұл ең жоғарғы көрсеткіш. Сондай-ақ Президент өз сөзінде екі елдің мәдени-гуманитарлық ықпалдастығын нығайтуға қолайлы жағдай жасалғанын атап өтті.