Қарағанды облысында пойыз бен жеңіл көлік соқтығысты: қаза тапқандар бар

Қарағанды облысында пойыз бен жеңіл көлік соқтығысты. Оқиға салдарынан қаза тапқандар бар, — деп хабарлайды Massaget .kz тілшісі.

17 қыркүйекте сағат 00:54-те Ақадыр-Қарағанды учаскесі Жарық-Дария аралығындағы теміржол өткелінде 92 шақ/сағ жылдамдықпен жүріп келе жатқан жолаушылар пойызының машинисі Mazda маркалы жеңіл көлік жолға шығуына байланысты пойызды шұғыл тежеген. Алайда жол апатының алдын алу мүмкін болмаған.

"Көлік жүргізушісі мен екі жолаушы ауыр жарақаттан көз жұмды. Бұл оқиға туралы ақпарат құқық қорғау органдарына берілді", — деп жазылған хабарламада.

"ҚТЖ "ҰК" АҚ азаматтарды теміржол өткелдерінің ережелерін қатаң сақтауға шақырды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!