Елде дәрігер тапшылығы 19% азайды

Елде дәрігер жетіспеушілігі 19 пайызға, орта санатты медицина қызметкерлерінің тапшылығы 13 пайызға азайды. Ал ауылдық жерлердегі кадр тапшылығы 17 пайызға төмендеген.

«Елде медицина мамандарына әлеуметтік қолдау көрсету шаралары өз жемісін беріп жатыр», — дейді мамандар. Биыл 105 жас дәрігерге қолдау көрсетілді. Былтыр 254 маман 8,5 млн теңге көлемінде бір реттік төлем алды. Биыл жоғары оқу орындарын 10,5 мың түлек тәмамдады. Олардың 34 пайызы ауылдық жерлердегі денсаулық сақтау ұйымдарына жіберілді. Бұл көрсеткіш өткен жылмен салыстырғанда екі есе жоғары. Дәрігерлердің қауіпсіздігі де басты назарда. Қазір медициналық ұйымдарда 152 полиция бекеті жұмыс істеп тұр.