Сенат ЖИ туралы заңды Мәжіліске қайтарды

Жасанды интеллектіні қолданудан азаматтарға қауіп-қатер төнбеуі тиіс.

Сол себепті жүйені пайдалану кезінде міндетті қауіпсіздік талаптарын енгізу керек. Бүгін Сенат отырысында депутаттар жасанды интеллект туралы заңды қарап, оны Мәжіліске қайтарды. Сенаторлар құжаттағы жекелеген баптарды әлде де жетілдіру қажеттігін атады. Бұдан бөлек жасанды интеллект жүйелерінің иелері одан келетін қатерді ғана емес, нұқсанды да болдырмауға бағытталған шараларды қабылдауға міндеттеледі. Енді мәжілісмендер ұсынылған түзетулерді назарға алып, заң жобасына енгізуі қажет.