«Наурыз» бағдарламасы басталды  

Елде халықты баспанамен қамтудың жеңілдетілген жолы - «Наурыз» ипотекалық бағдарламасы басталды. Жобаға Отбасы банкінің салымшылары, депозитінде кемінде екі миллион теңге жинағы бар және кейінгі бес жыл ішінде өзінде де, отбасы мүшелерінде де баспанасы болмаған азаматтар қатыса алады.

Сыйақы мөлшерлемесі әлеуметтік осал топтағы азаматтар үшін жеті пайыз, басқа үміткерлер үшін тоғыз пайыз. Өңірлерде 30 миллион теңгеге дейін, ал Астана мен Алматы сынды баспана құны қымбат қалаларда 36 миллион теңгеге дейін несие беріледі. Өтеу мерзімі 19 жылға созылады. Астана, Алматы және облыс орталықтарында тек бірінші нарықтағы тұрғын үйлерді сатып алуға рұқсат. Ал моноқалалар мен ауылдық елді мекендердің тұрғындары үшін бірінші және екінші нарықтағы үйлер ұсынылады. Өтінім беру 1 желтоқсанға дейін жалғасады.