Алматыда жеке сот орындаушы 370 млн теңге мен Range Rover көлігін заңсыз иемденген

Алматыда жеке сот орындаушы өндіріп алушыларға тиесілі ақшаны заңсыз иемденгені үшін сотталды, — деп хабарлайды Massaget.kz тілшісі.

Мән-жайы

Жеке сот орындаушы өндіріп алынған қаражатты иемденгені және аса ірі көлемде алаяқтық жасағаны үшін сотталды.

"Ол қызмет бабын пайдаланып, өндіріп алушыларға тиесілі 370 миллион теңгеден аса қаржыны иемденгені, сондай-ақ, Range Rover көлігін заңсыз иемденіп, 19 миллион теңгеден аса шығын келтіргені анықталды", — деп жазылған Алматы прокуратурасы хабарламасында.

Сот үкімі

Алмалы аудандық сотының үкімімен жеке сот орындаушы қылмыстық жолмен тапқан мүлкі тәркіленіп, 8 жылға бас бостандығынан және сот орындаушы қызметімен айналысу құқығынан айырылды.

Үкім заңды күшіне енген жоқ.

Қызықты жаңалықтар мен видеоларды көру үшін TikTok арнамызға жазылыңыз!