ҚТЖ қызметкері есірткі тасымалдаумен айналысқан

Павлодар облысында есірткі таратумен айналысқан екі тұрғын ұсталды, деп хабарлайды Egemen.kz.

Олардың бірі «ҚТЖ — Жүк тасымалы» ЖШС қызметкері екені анықталды. Күдіктілерді облыстық полиция мен Ұлттық қауіпсіздік комитетінің мамандары қылмыс үстінде қолға түсірген.

Тінту барысында ұсталғандардан шамамен 700 грамм есірткі тәркіленіп, зергерлік электрондық таразы, электрошокер, пневматикалық мылтық және оқ-дәрі де табылған.

«Қазақстан Республикасы Қылмыстық кодексінің екі бабы бойынша есірткіні мақсатты дайындау, қайта өңдеу, сатып алу, сақтау, тасымалдау есірткі құралдарын, психотроптық заттарды өткізу, жіберу немесе сату, сондай-ақ заңсыз сатып алу, беру, өткізу, сақтау үшін, қаруды, оқ-дәрілерді, жарылғыш заттарды өтасымалдау және жарылғыш құрылғыларды алып жүру деректері бойынша полиция қылмыстық іс қозғады. Күдіктілер қамауға алынды», делінген Павлодар облысы полиция департаменті таратқан хабарламада.