Сатушыларды жасанды интеллект алмастырады

Алдағы екі жылда компаниялардың 80 пайызы жасанды интеллектіні қолдануға көшеді.

Халықаралық сарапшылардың пікірі осындай. Елдегі жұмыс берушілер қазірдің өзінде нейрожүйеге көңіл бөле бастады. Мамандар оларға арналған бірқатар жоба ұсынып жатыр. Енді түйіндемелерге автоматты түрде талдау жасалады. Ол үшін кәсіпкер қосымшаға негізгі критерийлерді енгізіп қойса жеткілікті. Сонымен қатар жасанды интеллект сатушыларды алмастыра бастайды. Шетелде мұндай жобалардың баламасы бар. Отандық мамандар оларды Қазақстан нарығына бейімдеп жатыр.

Бауыржан Мұқанов, ІТ саласының сарапшысы:

- Сатумен айналысушылардың проблемалары — сатушы. Сатушы сата ала ма, жеткізе ала ма, кез келген уақытта жауап бере ала ма? Одан кейін бір-екі ай үйренгеннен кейін кетіп қалмай ма? Кетіп қалса, тағы басынан бастап үйрету керек болады. Сондықтан шағын және орта бизнеске бір агент жасап шығарудамыз. Жаңағы агентті әрбір сатушы өзі үйрете алады.