Тарихи құжаттар мен әдебиетті цифрландыру жұмыстары күшейтіледі

Тарихи құжаттарды сақтау мақсатында «е-Архив» деректерін «Батырларға тағзым» онлайн-платформасымен үйлестіру қажет. Бүгін Үкімет отырысында ұлттық мұрағат жүйесін жетілдіру және әдебиетті кеңінен насихаттау мәселелеріне тоқталған Премьер-министр осындай тапсырма берді.

Үкімет басшысы «е-Архив» ақпараттық жүйесін одан әрі дамыту керектігін айтып, қолда бар тарихи құжаттардың бәрін ұлттық цифрлық архив базасында сақтап, қолжетімді етуді міндеттеді. Сонымен қатар Олжас Бектенов қазақстандық авторлардың шығармаларын цифрландыруға ерекше көңіл бөліп, аудиокітаптар жасауды және оларды түрлі платформаларға орналастыруды тапсырды. «Бұндай қадам әдебиетімізді ел ішінде ғана емес, халықаралық деңгейде де насихаттауға мүмкіндік береді», – дейді Премьер-министр.