Қазақстанға жақын ел адамға ұқсас робот жасауды қолға алмақ

Оған 2 миллион доллар қаражы кетеді .

Өзбекстан алғашқы адам тәрізді роботы – "Do‘ppi bot" жасауды жоспарлап отыр, деп жазады inbusiness.kz сайты Aniq.uz-ге сілтеме жасап.

Роботты жасауға елдің ең үздік жастары мен қытайлық мамандар тартылады. Робот жасанды интеллектпен жабдықталады, өзбек тілінде сөйлейді және кез келген тапсырманы – ең бастысы, палау пісіруді еш қиындықсыз орындауға қауқарлы болмақ.

Сайттың жазуынша, заманауи технологиялар да өзбектерді палау жасаудан айыра алмақ емес.

Айта кетейік, осыған дейін Қытайдың өте қабілетті роботты іске қосқанын хабарлаған болатынбыз.

Ал оның алдында көрші елдің роботы әлемде алғашқы болып сальто жасап, әрі әлемде тұңғыш рет мың бұрала билеп, сахнаның сәнін келтірген еді.