Алматы облыстық спорт басқармасының бастығы жемқорлық ісінде куәгер деп танылды

Антикор Айбол Құлбаевтың ұсталғаны туралы ақпаратты жоққа шығарды.

Алматы облысы Спорт және дене шынықтыру басқармасының басшысы Айбол Құлбаев жемқорлық ісінде қорғалуға құқығы бар куәгер мәртебесіне ие. Бұл туралы Сыбайлас жемқорлыққа қарсы іс-қимыл агенттігі төрағасының орынбасары Дархан Құрақбаев айтты, деп хабарлайды inbusiness.kz сайты.

"Бұл іс бойынша бізге сұрау келіп түсті. Іс ведомствоға қатысты тергеліп жатыр, Құлбаев ол уақытта сол жерде жетекші болған. Оның ұсталғаны туралы ақпарат тарады. Біз бұл ақпаратты растамаймыз. Ол мекеменің басқа қызметкерлері сияқты тергеу әрекеттеріне қатысып жатыр. Біз жемқорлық ісін тергеу жатырмыз. Тергеу әрекеттерінің нәтижелері бойынша шешім қабылданады", — деді ол Сенат кулуарында.

Дархан Құрақбаевтың сөзінше, Айбол Құлбаев іс бойынша қорғалуға құқығы бар куәгер болып қатысып жатыр.