СҚО-да су тасқынына қарсы шаралар басталды

ТЖМ құтқарушылары СҚО Уәлиханов ауданында тасқын судың алдын алу бойынша белсенді жұмыс жүргізіп жатыр, деп хабарлайды El.kz ақпарат агенттігі.

Осы мақсатта келесі шаралар атқарылған. Оның ішінде қорғаныс бөгеттері 1000 м жаңартылып, 11 су өткізгіш арнасы тазартылған. Сондай-ақ, 1200 қап инертті материалдармен толтырылды. Сонымен бірге, еріген қар суының кедергісіз өтуі үшін 50ш.м өзен арнасы тазартылды.

Барлық жұмыстар су тасқынының салдарын барынша азайтуға және елді мекендерді қорғауға бағытталған. Құтқарушылар жағдайды тұрақты бақылауда ұстап отыр, — деп жазылған ТЖМ хабарламасында.