Түркиядағы толқулар: "Болашақ" стипендианттарының жағдайы белгілі болды

Орталық жағдайды бақылауда ұстап, студенттермен үнемі байланыста.

Халықаралық бағдарламалар орталығы Түркияда білім алып жатқан қазақстандық стипендиаттардың қауіпсіз жерде екенін хабарлады, деп хабарлайды inbusiness.kz сайты.

"Халықаралық бағдарламалар орталығы" АҚ мәліметінше, 25 қазақстандық стипендиат қауіпсіз жерде.

"Барлық стипендиат орталық қызметкерлерімен, Қазақстанның дипломатиялық өкілдіктерімен тұрақты байланыста және қажет болған жағдайда көмек сұрай алады. Қазақстанның Сыртқы істер министрлігі Қазақстан азаматтарына адамдар көп жиналатын орындарға барудан уақытша бас тартуды, қауіпсіздік шараларын сақтауды және жергілікті биліктің нұсқауларын орындауды ұсынады", — делінген хабарламада.

Түркиядағы Қазақстан Республикасының дипломатиялық өкілдіктерінің байланыс нөмірлері:

• ҚР Елшілігі (Анкара): +905352734496
• ҚР Бас консулдығы (Ыстамбұл): +905012621465
• ҚР Бас консулдығы (Анталья): +905394400522
• ҚР Бас консулдығы (Измир): +905530998789

Орталық жағдайды бақылауда ұстап отырғанын әрі стипендиаттармен байланыста болатынын атап өтті.