Астана – Петропавл тасжолында бірнеше көлік cоқтығысып, ірі жол апаты болды (ВИДЕО)

Астана – Петропавл тасжолында бірнеше көлік қатысқан жол апаты болды, деп хабарлайды Skifnews.kz ақпарат порталы.

6 наурыз күні тасжолдың 447-шақырымында жол-көлік оқиғасы орын алды. Жол көлік апатына "Kia Cerato", "Volkswagen Sharan" және "Lexus" көліктері түскен.

Полиция департаментінің мәліметінше, "Volkswagen Sharan" көлігінің жолаушысы жарақат алып, ауруханаға жеткізілді. Сондай-ақ, көліктерге механикалық зақым келді.

Қазіргі уақытта құқық қорғау органдары апаттың мән-жайын анықтап, кінәлі тұлғаларға қатысты тиісті шараларды қабылдайды.