Жаңаөзенде екі қабатты ірі сауда орталығы өртенді

Бұл туралы ТЖМ баспасөз қызметі мәлімдеді, деп жазады inbusiness.kz сайты.

Түнде Жаңаөзен қаласының 1-шағынауданында орналасқан екі қабатты сауда орталығының бірінші қабатында өрт шықты, деп жазады inbusiness.kz сайты.

Өрт 300 шаршы метр алаңды шарпыды.

– Өрт сөндірушілердің үйлесімді және кәсіби сауатты әрекеттерінің арқасында өрттің ғимараттың барлық ауданына таралуына жол берілмеді. Өрт 300 шаршы метр алаңда толығымен сөндірілді. Зардап шеккендер жоқ, өрттің себебі анықталуда, – делінген хабарламада.

Осы ретте ТЖМ өкілдері өрт қауіпсіздігі ережелерін сақтап, жағдайды өртке жеткізбеуді сұрайды.