Йемендік көтерілісшілер Израильдің әуежайын атқылады

Йемендік көтерілісшілер Израильдің Бен-Гурион халықаралық әуежайын баллистикалық зымыранмен атқылады. Еврей елінің қарулы күштері оларды атып түсірген.

Йемендік хуситтер сондай-ақ Қызыл теңізде АҚШ-тың әскери кемелерін де шабуылдады. Өткен аптада Израиль, Газа секторындағы әскери операциясын қайта бастағаннан кейін көтерелісшілер Қызыл теңіздегі шабуылдарын үдете түсті. Олар еврей елі мен америкалықтарға қатысты кемелерді атқылап жатыр. Сарапшылар: «Теңіздегі текетірес тауар тасымалын тежеуі мүмкін», – дейді. Әсіресе газ бен мұнай нарығына әсер ететінін ескертеді. Өйткені Қызыл теңіз – бұл шикізаттардың тасымалы үшін Еуропа, Азия мен Солтүстік Америка арасындағы маңызды бағыттың бірі.