Ірі көлемде қаржы жымқырмақ болған «Алматы су» департаментінің директоры сотталды (ВИДЕО)

Алматы қаласы Бостандық аудандық соты "Алматы Су" коммуналдық кәсіпорнының күрделі құрылыс департаментінің директоры Мақсат Жолдыбаев шартты жазадан босатылып , нақты жаза арқалады, деп хабарлайды Skifnews.kz ақпарат порталы.

“Мақсат Жолдыбаев орындалған жұмыстар актілеріне кедергісіз қол қойып, қаланың кәріз жүйелерін күрделі жөндеу және сумен жабдықтау жөніндегі жұмыстарды мемлекеттік сатып алу шарттарымен бюджет қаражатын аудару деген желеумен кәсіпкерден 75 миллион теңге жымқыруға оқталғаны үшін кінәлі деп танылды”, – делінген хабарламада.

Сотталушыға 5 жыл мерзімге коммерциялық және қаржы ұйымдарының басшылығымен байланысты қызметпен айналысуға тыйым салынып, шартты түрде 5 жыл бас бостандығынан айыру түріндегі жаза тағайындалған еді.

Қадағалаушы прокуратураның наразылығы бойынша Алматы қалалық сотының сот алқасының қаулысымен бірінші сатыдағы соттың үкімі өзгертілді. Жолдыбаев 5 жыл мерзімге коммерциялық және қаржы ұйымдарының басшылығымен байланысты қызметпен айналысу құқығынан айырылып, 5 жылға сотталды.

Айыпталушы сот залында қамауға алынды. Үкім заңды күшіне енді.

Посмотреть эту публикацию в Instagram

Публикация от Казахстанские новости тут (@lavina.kz)