Канцлер Олаф Шольц пен үкімет отставкаға кетті

Германияда канцлер Олаф Шольц пен үкімет отставкаға кетті.

Мұны растайтын тиісті куәлікті Президент Франк-Вальтер Штайнмайердің өзі табыс етті. Ресми іс-шара Берлиндегі Бельвю президент сарайында өтті. Ел конституциясына сәйкес, жаңа парламент жұмысқа кіріскенде, бұрынғы үкімет отставкаға кетеді. Бүгін жаңа Буденстагтың алғашқы жиыны өтті. Десе де, жаңа министрлер кабинеті құрылғанға дейін Олаф Шольц бастаған үкімет мүшелері өз міндеттерін уақытша атқарады. Ал болашақ канцлер Фридрих Мерц жаңа үкіметті 20 сәуірге дейін жасақтауға бекініп отыр. Еске салайық, Германияда мерзімнен бұрын парламенттік сайлау 23 ақпанда өткен болатын. Саяси додада Мерц бастаған партия жеңіске жеткен еді.