Жедел жәрдемге ақша жоқ, бірақ форум мен мереке өткізуге қаржы табады – Аймағамбетов

Мәжіліс депутаты Асхат Аймағамбетов жедел жәрдем қызметіне қаражат бөлмей отырған әкімдіктердің тізімі жақын арада жарияланатынын мәлімдеді, деп хабарлайды Skifnews.kz ақпарат порталы.

"Жедел жәрдемге негізінен жергілікті әкімдіктер жауапты. Бірақ олар бұл қызметке қажетті қаражатты толық бөлмей отыр. Дегенмен түрлі іс-шаралар, мерекелер, форумдар өткізіп, безендіруге қаржы тауып келеді. Бірақ жедел жәрдем қызметіне ақша бөле алмай отыр", – деді депутат.

Оның айтуынша, бұл мәселе өте өзекті болғандықтан, жақында барлық әкімдіктің тізімі көрсетілген нақты ақпарат жарияланбақ.

"Жақын арада барлық әкімдіктің атын атап, түсін түстеп ақпарат таратамыз. Себебі бұл – өте күрделі мәселе", – деп түйіндеді Аймағамбетов.