Халықтың 82% МӘМС жүйесі арқылы сақтандырылған

Міндетті әлеуметтік медициналық сақтандыру мәселесі кезекті рет талқыға түсті. Денсаулық сақтау министрі әлеуметтік жағдайы төмен азаматтардың дәрігерлік көмекке қолжетімділігін қамту үшін бірқатар бағыт қаралғанын айтты. Оның ішінде жергілікті атқарушы органның қолдауы тағы бар. Жалпы халықтың 82 пайызы осы жүйе арқылы сақтандырылған. Оның басым бөлігі мемлекет тарапынан жеңілдікке ие. Ал 3 миллионнан астам адам МӘМС жүйесінен тыс қалған.

Ақмарал Әлназарова, ҚР Денсаулық сақтау министрі:

-Ал бір миллион халқымыз әлеуметтік әл-ауқаттың дағдарыстық және шұғыл деңгейлерне жататын осал топтағы азаматтар. Яғни табысы төмен отбасының базалық қажеттіліктерін әрең жабатын азаматтар. Осы санаттағы азаматтар үшін халықаралық тәжірибеге сәйкес, жарналардың төленуі тиісті медициналық қызметке жүгіну фактісі бойынша жергілікті атқарушы органдарға жүктеу ұсынылады.

Upd: 26.03.2025, 20:11