Астанада электр самокаттарының маусымы басталды

Кикшеринг операторлары самокат тебуге қатысты тәртіп бұзушылықпен күресті күшейтеді.

Астана қаласында бүгіннен бастап кикшеринг самокаттарын жалға алуға болады. Бұл туралы Whoosh компаниясы хабарлады.

"2024 жылғы маусымда Whoosh электр самокаттарымен жүрудің орташа ұзақтығы 11 минутты құрады. Компания самокат тебушілердің тәртіп бұзбауын мақсат етеді. Сондықтан, Астанада кикшеринг операторы 2024 жылы тәртіп бұзған 8530 қолданушыны анықтап, бұғаттады. Осындай қатаң саясатты ұстанудың арқасында Қазақстанда самокатпен жүрудің 99,5% жағдайында оқыс оқиғалар тіркелген жоқ", – делінген компанияның хабарламасында.

Биылғы маусымда қалада Астана әкімдігі мен полиция департаментімен бірге самокат тебушілерге білім беру бастамалары жүзеге асырылады.

Еске салайық, Алматыда электр самокаттарының маусымы наурыздың басында басталды.

Оқи отырыңыз: Алматыда электр самокаттарының маусымы осы аптада басталады