Ақша толы ала дорба: Жетісуда бір топ адам сотталды (Видео)

Жетісу облысында "Сарқан ауданы білім бөлімі" ММ бас бухгалтері 8 жылға сотталды, — деп хабарлайды Massaget.kz тілшісі.

Сотталғандар арасында кімдер бар?

Талдықорған қалалық соты бірнеше лауазымды тұлғаға үкім шығарды:

• "Сарқан ауданы білім бөлімі" ММ бас бухгалтері К.Құрманғалиеваға;
• Сол бөлімнің бухгалтерлері А.Мұратова мен А.Қалабаеваға;
• "Қазпошта" АҚ аудандық учаскесінің бастығы А.Тәкенге;
• Айдана бөбекжай-бақшасы меңгерушісінің м.а. Н.Балғабаеваға;
• Жетісу облысы ІМАБ камералдық бақылау бөлімінің басшысы У.Жапабаевқа.

Антикор мәліметінше, Құрманғалиева, Қалабаева, Мұратова және Тәкен білім бөлімі қызметкерлерінің шоттарына белгіленген жалақыдан артық мөлшерде ақша аудару жолымен 1,6 млрд теңге сомасында бюджет қаражатын жымқырған. Сот оларды кінәлі деп тапты.

Балғабаева мен Қалабаева балабақшада аудит жүргізбеу деген желеумен Жапабаевқа пара беруге оқталғаны үшін кінәлі деп танылды.

Сот үкімі

• Құрманғалиеваға 8 жылға, Қалабаева, Мұратова және Тәкенге 7 жылға бас бостандығынан айыру жазасы тағайындалды.
• Балғабаева мен Жапабаевқа 1,2 млн теңге және 1 млн теңге айыппұл салынды.

Сонымен қатар, сотталғандар мемлекеттік қызметте және квазимемлекеттік сектор субъектілерінде қызмет атқару құқығынан өмір бойына айырылды.

Сот актісі заңды күшіне енген жоқ.

Қызықты жаңалықтар мен видеоларды көру үшін TikTok арнамызға жазылыңыз!