"Қазгидромет" Алматыдағы жазға болжам жасады

Алматыда биыл жазда ауа температурасы аса қатты ыстық болмайды.

Дегенмен кейбір күндері температура +33+38 градусқа дейін көтерілуі мүмкін, тіпті кейде +40 градусқа дейін жетуі ықтимал, деп жазады inbusiness.kz сайты.

Синоптиктер сонымен қатар, биыл жазда нөсерлі жаңбыр жаууы мүмкін екенін де болжауда. Ұзақ уақыт бойы күн ашық және жауын-шашынсыз ауа райы да болуы мүмкін.

Сәуір айының орташа температурасы +13,1 градус болуы күтілуде, бұл қалыпты нормадан 1 градусқа жоғары. Жауын-шашынның жалпы мөлшері де нормаға қарағанда көп (112 мм). Сәуірдің басында жаңбыр мен қар жаууы мүмкін, әрі көктайғақ болып, желдің жылдамдығы 15-20 м/с жетуі ықтимал.