Мьянма мен Таиландта жер сілкінісі болды

Желіде оқиға орнынан түсірілген бейнежазбалар тарап жатыр.

Оңтүстік-Шығыс Азияның екі елінде жер сілкінісі болды, деп хабарлайды inbusiness.kz сайты.

Жойқын жер сілкінісінің эпицентрі Мьянманың орталық бөлігінде орналасқан. Мандалай қаласында жер сілкінісінің магнитудасы 7,7 баллға жетті. Кейін шаһарда 6,4 балл болатын екінші жер сілкінісі тіркелді.

Жер асты дүмпулері Таиландта да сезілді. Ел астанасында төтенше жағдай жарияланды. Бангкок қаласында адамдар үйлерін тастауға мәжбүр болып, көшеге шыққан. Құрылысы жүріп жатқан көпқабатты ғимарат құлады. Желіде 43 құрылысшының қиранды астында қалып қойғаны туралы ақпарат тарады.

Зардап шеккендер туралы ресми ақпарат жарияланбады.