30 наурыз – Ораза айт мерекесі

Сағындырған Рамазан айының аяқталуына аз қалды. Мейірімділік, бірлік пен қайырымдылықтың мерекесі биыл 30 наурызға сәйкес келіпті. Қазақстан мұсылмандары діни басқармасы осы күні оқылатын Ораза айт намазының кестесін жариялады. «Айт» сөзі «мейрам», «қуанышты күн» дегенді білдіреді. Бұл күні мұсылман көрші-қолаң, туған-туысқа қыдырып, айтпен құттықтайды. Қасиетті мерекеде мейлінше көтеріңкі көңіл күйде жүруге тырысу керек. Сырқат жандардың көңілін сұрау, жетімнің басынан сипап, мұқтажға қол ұшын беру сауапты істерден саналады. Сонымен алдағы жексенбі күні айт намазы 13 аймақта таңғы сағат 7.00-де оқылады. Ақтөбе, Қостанай, Қызылорда мен Солтүстік Қазақстан облыстарында 7 жарымға белгіленіпті. Күннің кеш шығуына байланысты Маңғыстау, Батыс Қазақстан мен Атырау өңірлерінде 8:00-де басталады.

Upd: 28.03.2025, 20:31