Асқазан обыры қалай пайда болады?

Осы біз дұрыс тамақтанып жүрміз бе? Ас адамның арқауы екені рас. Алайда, көшеде жүре жейтін тағамнан бөлек бұл күнде көз қызықтыратын түрлі ас-ауқат жетіп артылады. Адам оның зиянын біле тұрып жейді. Сусынының да неше атасы бар. Дәрігерлер қанша ескертсе де жүрек лоқсып, ауру тудырғанша тоқтай алмаймыз. Ал дәрігерлер бұрынырақта аурудың көбін жағымсыз зат спирттік ішімдік, темекіге сілтейтін. Қазір дүкен сөрелерінде көз сүріндіретін тәттісі де, ащысы да аз емес. Мұның бәрі айналып келгенде алдымен асқазанға салмақ салады. Асқазан қыжылдап қана қойса жақсы, жараға айналып, арты обырға ұласса не болмақ?!