Рахат Қалжан Азия чемпионатында қола жүлдегер атанды

Иордания астанасы Амман қаласында күрес түрлерінен өтіп жатқан Азия чемпионатында қазақстанды еркін күрес шебері Рахат Қалжан үшінші орынға ие болды, деп хабарлайды El.kz ақпарат агенттігі

Отандасымыз 57 келіге дейінгі салмақ дәрежесінде қола жүлде жолында Ирак өкілі Хусейн Худхур Ясимнен 8:6 есебімен басым түсті.

Еске сала кетейік, бұл отандасымыздың ересектер арасындағы сары құрлық чемпионатындағы үшінші жүлдесі. Ол 2022 жылы Ұлан-Батырда күміс, 2023 жылы Астанада қола медальға ие болған.

Сондай-ақ, бүгін тағы 3 балуан қола жүлде үшін күрессе, 97 келіде Ризабек Айтмұқан финалға жапон балуанымен белдеседі.