Төтеншеліктер су тасқынына қарсы арнайы жаңа техникамен жабдықталды

Ақтөбе облысына су тасқынына қарсы шараларға арналған заманауи арнайы автокөліктер берілді.

ҚР Төтенше жағдайлар министрлігінің Ақтөбе облысы Есет батыр Көкіұлы атындағы 20982 әскери бөліміне су тасқынына қарсы шараларға арналған заманауи арнайы автокөліктер берілді, деп хабарлайды inbusiness.kz сайты.

Жаңа техникалар КамАЗ базасында жасалған.

Техникалардың кілтін салтанатты түрде ТЖМ Төтенше жағдайлардың алдын алу комитетінің төрағасы Серік Жүнісбеков табыстады.

Оның айтуынша, бұл көліктер – жай техника емес, төтенше жағдай кезінде адамдардың өмірін құтқаруға арналған маңызды құрал. Біз әрқашан дайын болуымыз керек.

Қазіргі таңда бұл техникалар су тасқынына қарсы күресте белсенді түрде қолданылып жатыр. Олар арқылы жеке құрам мен жабдықтар тасымалданып, су басқан аумақтардағы халыққа көмек көрсетілуде.