Көршілес елде электр қуаты қымбаттайды

Өзбекстандағы мұндай өзгеріс 1 мамырдан бастап қолданысқа енеді.

Бір киловатт энергияның құны 450 сумға көтеріледі, деп жазады inbusiness.kz сайты Интерфаксқа сілтеме жасап.

Қазіргі баға — 295 сум. Тарифті жоғарлату мәселесі елде кеңінен талқыланып 2 мәрте кейінге шегерілген. Тариф саясаты елдегі энергетикалық нысандарды жөндеуге және жаңа қуат көздерін ашуға жұмсалмақ.

Биыл Өзбекстан гидроэнергетика саласында қуаты 1 млрд киловват болатын 38 жобаны жүзеге асыруды жоспарлап отыр. Осылайша көрші ел судан алатын энергияның да үлесін арттырмақ. Осы мақсатта инвестор тарту да көзделген.