"Бекіре – 2025": Еліміздің батысында кеңауқымды балық қорғау акциясы басталды

Акцияға 1500-ге жуық қызметкер қатысады .

1 сәуірде еліміздің батысындағы Атырау, Маңғыстау және Батыс Қазақстан облысында "Бекіре – 2025" балық қорғау акциясы басталды, деп хабарлайды inbusiness.kz сайты.

Балық қорғау акциясын өткізуге 1466 қызметкер жұмылады. Оның ішінде Атырау облысында 604, Батыс Қазақстанда – 222, ал Маңғыстау өңірінде 640 қызметкер су айдындарында қадағалау жүргізеді. Сондай-ақ 298 автокөлік, 84 қайық пен шағын көлемді кеме, 6 ұшу аппараты, техникалық құралдар тартылған.

Айта кетейік, акция 31 мамырға дейін жалғасады.