Қазақстандық қақпашының трансферлік құны қарыштап көтерілді

Спортшының бағасы 75 мың еуродан біршама өскен .

"Transfermarkt" порталы ресейлік "Тюмень" сапында өнер көрсететін қазақстандық қақпашының трансферлік құнын өзгертті, деп хабарлайды inbusiness.kz сайты.

Осылайша, Александр Довгальдың құны 75 мың еуродан 125 мың еуроға дейін артқан. Бұл – қақпашының карьерасындағы ең жоғары меже. Өйткені, оның осыған дейінгі нарықтық құны 100 мың еуродан аспаған еді.

24 жастағы Довгаль "Тюмень" сапына 2025 жылы қаңтарда ғана қосылды. Ресей бірінші лигасындағы 5 ойында 4 гол жіберіп, екі кездесуде қақпасына доп өткізбеді.

Сондықтан да, "Тюмень" жанкүйерлері екі ойында қазақстандық қақпашыны команданың үздік ойыншысы деп таңдады.

Бұған дейін атақты ағылшындық клубқа ауысқан өзбекстандық футболшы Абдуқодир Хусановтың трансферлік құны көз ілеспес жылдамдықпен көтерілгенін жазған едік.