Мемлекет қазынасына үнемделген 84,4 млн теңге қайтарылды

Жалпы 2 жыл ішінде 207 млн теңгеден астам қаражат жұмсалған.

Жоғары аудиторлық палатаның нұсқамасы бойынша жылумен, сумен жабдықтау және су бұру жүйелерінің құрылысын жаңғырту кезіндегі бюджет қаражатын ұтымсыз жұмсау тоқтатылды, деп жазады inbusiness.kz сайты.

Аудит жүргізу барысында мынадай бұзушылықтар анықталды: 2023-2024 жылдары сенім білдірілген агенттің шығындары шеңберінде бюджет қаражатынан талдамалық көрсетілетін қызметтерге ақы төленген. Ал бұл Құрылыс және тұрғын үй-коммуналдық шаруашылық істері комитеті мен "Қазақстандық тұрғы үй-коммуналдық шаруашылықты жаңғырту және дамыту орталығы" АҚ-ның тікелей функционалы болып табылады.

Мемлекеттік аудит қорытындылары бойынша басқа да тапсырмалардың орындалуы Жоғары аудиторлық палатаның бақылауында болмақ.