Жаңаөзенде мешіт өртеніп, 12 жасар баланың денесін күйік шалды

Оқиға Жаңаөзендегі Шаңырақ шағынауданында болған. Қалалық мешіт аумағында салынып жатқан жаңа ғимаратта кіреберістен өрт шыққан.

Қызыл жалын жалпы аумағы 40 шаршы метр аумақты шарпыған. Өрт бірден сөндірілген. Оқиға салдарынан 2013 жылы туған бала күйік шалып, ауруханаға жеткізілген.

Бұл туралы Маңғыстау облысы Төтенше жағдайлар департаменті мәлімдеді, деп жазады inbusiness.kz сайты.

"12 жасар жасөспірім бала зардап шекті. Бала бет, мойын, қол, бел және тыныс алу жолдарының күйіктерімен ауруханаға жатқызылды. Дененің 15-17%-ы зақымдалған, оның жағдайы орташа. Өрт сөндірушілер өрт сөндіруде жоғары дәрежеде жұмылдырылды. Өрт сағат 18:10-да сөндірілді", – делінген ТЖД хабарламасында.