Трамп Мексика мен Канаданы баж салығынан уақытша босатты

АҚШ 2 сәуірге дейін Мексиканы баж салығынан босатты.

Дональд Трамп мұны Мексика Президентіне құрмет ретінде жасағанын айтты. Ақ үй басшысы сондай-ақ Канадаға да бір ай тариф төлемеуге рұқсат берді.

Ресми Вашингтон 4 наурыздан бастап көрші екі елден келетін тауарларға 25 пайыздық баж салығын енгізген еді. Ақ үй басшысы бұл заңсыз көші-қон және есірткі саудасымен күресті күшейту үшін қажет дейді. АҚШ, Канада мен Мексика арасында еркін сауда туралы келісім бар. Сарапшылар Трамптың тарифтері үш мемлекет үшін тиімсіз болатынын айтады. Әрі экономикаға ғана салмақ салып қоймай, арадағы қарым-қатынасқа сызат түсіретінін ескертеді.