Шымкентте таксидің терезесін таспен ұрып сындырған әйел қамауға алынды

Оқиғаның видеосы әлеуметтік желіде тарады.

Кадрлардан әйел адамның көліктің бүйір және артқы терезелерін кірпішпен ұрып, сындырғанын көруге болады, деп хабарлайды inbusiness.kz сайты.

Аталған жағдайға қатысты Шымкент полициясы бөтен мүлікті қасақана бүлдіру фактісі бойынша қылмыстық іс қозғады. Ал, күдікті ұсталып, уақытша ұстау изоляторына қамалды.

"Тергеу мен сараптама нәтижелері бойынша процестік шешім қабылданады. ҚР Қылмыстық-процестік кодексінің 201-бабына сәйкес, өзге мәліметтер жариялауға жатпайды", – делінген Шымкент қаласы полиция департаментінің ақпаратында.