Франция АҚШ-тың орнына Украинаға барлау деректерін беретін болды

Францияның Қорғаныс министрі Себастьен Лекорню елдің Украинаға барлау ақпаратын беруді жалғастыратынын мәлімдеді.

Бұл мәлімдеме АҚШ-тың Киевпен барлау мәліметтерімен алмасуын тоқтатқанын жариялағаннан кейін бір күн өткен соң жасалды, деп жазады inbusiness.kz сайты.

– Бізде украиналықтарға көмектесу үшін қолданатын барлау ресурсы бар. АҚШ бұл процесті тоқтатты. Ал британдық әріптестеріміз үшін жағдай күрделірек болуы мүмкін, – деді Лекорню France Inter радиосына берген сұхбатында.

Франция қорғаныс министрі сондай-ақ елдің ядролық арсеналының тәуелсіздігі мен сенімділігін атап өтті.

Оның айтуынша, Франция өзінің қырғи-қабақ соғыс кезінен бері дамып келе жатқан ядролық әлеуетіне сүйенеді және оны қажетті деңгейде ұстап отыр.