Көпбалалы ана қайтарымсыз грант алып, бөдене кәсібін дамытып отыр

Түркістан облысы Сарыағаш ауданының тұрғыны Гүлдана Ақбердиева бөдене шаруашылығын дамытып отыр, деп хабарлайды El.kz ақпарат агенттігі.

Көпбалалы ана өз ісін бастау үшін 2024 жылы мемлекеттен қайтарымсыз грант алған. Қазіргі таңда жас кәсіпкер бөдене шаруашылығын дамытып, экологиялық таза өнім өндіруде.

Үй жағдайында кәсібін дөңгелетіп отырған ол алғашқы қаражатқа 1000 бас бөдене мен қажетті құрал-жабдықтарды сатып алған. Бүгінде жас кәсіпкер айына 2500-3000 дана бөдене жұмыртқасын және 200-250 келі құс етін алып отыр.