Азия чемпионатында қазақстандыққа күміс бұйырды

Оңтүстік Кореяның Чечхон қаласында спорттық гимнастикадан Азия чемпионаты өтіп жатыр . Осы додада қазақстандық Милад Карими еркін жаттығудан күміс медаль еншіледі, деп жазады inbusiness.kz сайты.

Сайыс барысында төрешілер тарапынан оған 14.400 балл берілді. Бұл Миладтың екінші орын алуына мүмкіндік туғызды.

Милад Карими 1999 жылы дүниеге келген. 2023 жылғы әлем чемпионатында еркін жаттығудан қола жүлдегер болса, Азия чемпионатында бірнеше мәрте жеңімпаз және жүлдегер атанды.

Бірінші орынға 14.600 баллмен Карлос Юло (Филиппин) жайғасса, үздік үштікті 14.033 баллмен Мун Гын Ён (Оңтүстік Корея) түйіндеді.

Сондай-ақ ел құрамасынан Дмитрий Патанин (13.833 балл) жүлдеге қол созым қалып, медаль бұйырмады.