Бокстан М.Ділдәбеков жүлдесіне арналған турнир өз мәресіне жетті

Түркістанда бокстан Мұхтархан Ділдәбековтің жүлдесіне арналған XIII халықаралық турнир өз мәресіне жетті, деп хабарлайды El.kz ақпарат агенттігі.

Дүбірді додада Қазақстан, Өзбекстан, Қырғызстан, Тәжікстан, Моңғолия ұлттық құрамаларының үздік боксшылары бақ сынады. Жеңімпаздар Азия чемпионатында өз елдерінің намысын қорғайтын болады.

Турнирде отандық спортшылар жақсы нәтиже көрсетті. Атап айтар болсақ: 65 келі салмақ дәрежесіндегі боксшы Бақдәулет Асқаров, 80 келі салмақтағы Тимур Тайбеков пен 90 келі салмақтағы спортшы Расул Асанханов алтын медальға ие болды. Ал Алмаз Нұрлан (55 кг) мен Расул Ахметов (90 кг) жүлделі үшінші орынды қанағат тұтты.

Посмотреть эту публикацию в Instagram

Публикация от KARAGANDA REGIONAL BOXING FEDERATION (@krg_boxing_federation)