Жолаушылар пойызы шөп тиелген трактор тіркемесіне соқтығыса жаздады

Тараз – Шу учаскесінің күзетілмеген өткелінде (Жамбыл бөлімшесі) жолаушылар пойызы трактор тіркемесіне соқытыға жаздады. Оқиға 7 маусымда болған, деп хабарлайды El.kz ақпарат агенттігі .

"ҚТЖ" мәліметінше, жолаушылар пойызының локомотив бригадасы апаттың алдын алған. Яғни, машинист шұғыл тежеуді дер кезінде қолданған. Осылайша пойыз тіркемелерден екі метр қашықтықта тоқтады.

Локомотив бригадасының кәсібилігі мен үйлесімді әрекеттерінің арқасында жолаушылар мен жылжымалы құрам үшін ықтимал зардаптың алды алынды. Тіркемелер темір жолдан тез алынып тасталды, содан кейін пойыз жүрісін жалғастырды. Ақпарат құқық қорғау органдарына берілді,-делінген ақпаратта.

Осы ретте компания темір жол өткелдерін кесіп өту кезінде қауіпсіздік ережелерін сақтау қажеттігін еске салады. Теміржол — қауіпті аймақ, сондықтан талаптарды орындамау ауыр зардаптарға әкелуі мүмкін.