Грантқа өтініш қабылдау уақыты белгілі болды

Ғылым және жоғарғы білім министрлігі талапкерлер ЖОО-ға түсу үшін құжат қабылдау қашан басталатынын жариялады.

Негізгі ҰБТ 16 мамыр-7 шілде аралығында тапсырылады. ЖОО-ға құжаттарды қабылдау 20 маусымда басталып 25 тамызға дейін жалғасады, деп хабарлайды inbusiness.kz сайты.

"Педагогикалық ғылымдар" және "Денсаулық сақтау" мамандықтарына түсушілер үшін арнайы емтихандар 20 маусым-20 тамыз аралығында (конкурсқа қатысу үшін 20 шілдеге дейін өткізіледі) өтеді.

Шығармашылық емтихандарға қатысу үшін өтініштер 20 маусым-10 тамыз (конкурсқа қатысу үшін 7 шілдеге дейін) аралығында қабылданады. Шығармашылық емтихандар 7 шілде-15 тамыз (конкурсқа қатысу үшін 20 шілдеге дейін) аралығында болады.

Білім беру гранттары конкурсына қатысуға өтініштер 13 шілде — 20 шілде аралығында қабылданады.

Ал, грант иегерлерінің тізімі 10 тамызға дейін жарияланады. Қосымша ақпаратты ЖОО ресми парақшалары мен сайттарынан көруге болады.